Антиплагиат саясаты

«Архитектура. Курулуш» журналы буга чейин жарыяланбаган түп нуска материалдарды гана жарыялоого кабыл алат. Журнал программасын колдонуп, тапшырылган кол жазмалардагы тексттик көчүрмөлөрдү текшерет. Редакциянын ою боюнча, илимий эмгектердеги плагиат – бул авторлор, рецензенттер, редакторлор, басмалар жана окурмандар ортосундагы кесиптик жүрүм-турум нормаларын бузуу болуп саналат жана ал Жарыялоо этикасынын принциптерине карама-каршы келет.

Редакциялык кеңеш бардык плагиат учурларын талдап, кол жазманы рецензияга өткөрбөө укугун өзүнө калтырат. Журналга тапшырылган илимий эмгектер төмөнкү критерийлер боюнча анализденет:

• оригиналдуулугу 85%  жана андан жогору болсо – материал кароого кабыл алынат;
• оригиналдуулугу 75% – 85% болсо – автор цитаталар менен шилтемелердин туура көрсөтүлгөнүн текшериши керек;
• оригиналдуулугу 75% дан төмөн болсо  – материал кабыл алынбайт.

Бир булактан алынган көчүрмө 3% ашпоого тийиш.

Плагиаттын пайыздык көрсөткүчү интернет жана жергиликтүү базадагы булактарды текшерген программа (IThenticate) аркылуу эсептелет. Алынган отчет редакциялык кеңеш тарабынан анализденет.

Эгерде тексттик көчүрмөлөр жарыялангандан кийин аныкталса, редакциялык кеңеш терең анализ жүргүзөт. Автор менен байланышып, жаңы жагдайлар тууралуу маалымат берилет. Плагиат камтылган барактар PDF файлында белгиленет.